LET: Shanshan Feng í 1.sæti þegar Omega Dubai Ladies Masters er hálfnað

Kínverski kylfingurinn Shanshan Feng er í 1. sæti þegar Omega Dubai Ladies Masters er hálfnað.  Shanshan er búin að spila á samtals 13 undir pari, 131 höggi (66 65).

Feng hefir 4 högga forskot á þá sem næst kemur ensku stúlkuna Felicity Johnson, sem nú nýverið hlaut fullan keppnisrétt á LPGA og við eigum eflaust eftir að sjá meira af!  Johnson er samtals búin að spila á 135 höggum (68 67).

Þriðja sætinu deila 4 hörkugóðar þ.á.m. þýski kylfingurinn Caroline Masson, sem líkt og Johnson er búin að tryggja sér fullan keppnisrétt á LPGA, keppnistímabilið 2013.  Caroline deilir 3. sætinu með: Joönnu Klatten og Gwladys Nocera frá Frakklandi og Cindy Lacrosse frá Bandaríkjunum.

Lexi Thompson, sem á titil að verja færist hægt og rólega upp skortöfluna er nú komin í 7. sætið á 7 undir pari, 137 höggum og til alls líkleg!!!

Niðurskurðurinn að þessu sinni var miðaður við 1 yfir pari og meðal þeirra sem ekki komust í gegnum niðurskurð voru norska frænka okkar Marianne Skarpenord  og Maria Hjorth frá Svíþjóð, en báðar voru 1 höggi frá því að vinna sér inn jólapening.

Til þess að sjá stöðuna þegar Omega Dubai Ladies Masters er hálfnað SMELLIÐ HÉR: