LET & LPGA: Erfið byrjun hjá Ólafíu og Valdísi á Opna skoska kvennamótinu

Atvinnukylfingarnir Ólafía Þórunn Kristinsdóttir, GR og Valdís Þóra Jónsdóttir, GL eru báðar meðal keppenda á sameiginlegu móti LET og LPGA; Aberdeen Standard Investments Ladies Scottish Open eða Opna skoska upp á okkar ilhýra.

Eftir 1. dag er Valdís Þóra T-102 (lék 1. hring á 3 yfir pari 74 höggum) og Ólafía Þórunn T-139 (lék 1. hring á 6 yfir pari, 77 höggum).

Erfið byrjun hjá báðum og báðar undir niðurskurðarlínunni, en þessa stundina er niðurskurður miðaður við 1 yfir pari eða betra.

Telja verður að Valdís Þóra eigi góðan möguleika að komast gegnum niðurskurð með góðum hring í dag en það verður erfiðara verkefni fyrir Ólafíu Þórunni.

Mótið er sterkt.  Í efsta sæti eftir 1. dag er bandaríski kylfingurinn Tiffany Joh, sem lék 1. hring á glæsilegum 9 undir pari, 62 höggum.

Til þess að fylgjast með stöðunni á Opna skoska í kvennagolfinu SMELLIÐ HÉR: