LET: Klatten, Masson, Montgomery og Simon deila efsta sæti í Kwa-Zulu Natal eftir 2. dag

Það eru 4 stúlkur sem deila 4. sæti eftir 2. dag South African Women´s Open.  Það eru franska stúlkan Joanna Klatten, þýska stúlkan Caroline Masson, sem leiddi eftir gærdaginn, enska stúlkan Danielle Montgomery og „heimakonan“ Asleigh Simon. Allar hafa þær spilað á sléttu pari eftir dagana 3 þ.e. 144 höggum, hver.

Ein þeirra fjögurra, sem eru í forystu, Danielle Montgomery er einna þekktust fram til þessa fyrir að hafa setið fyrir í eftirmynd af frægri mynd, sem Jan Stephenson sat fyrir á, á 8. áratug síðustu aldar, en þar „baða þær sig“ báðar í baðkeri fullu af golfboltum.  Danielle lét taka meðfylgjandi mynd af sér fyrir frægt dagatal sem ástralskir kvenkylfingar sátu fyrir í.  Nú er hún sem sagt í 1. sæti í  Kwa-Zulu Natal í Suður-Afríku þar sem Opna suður-afríska fer fram og spennandi að vita hvort henni takist að halda forystunni!

Aðeins 1 höggi á eftir forystunni, í 5. sæti,  er franska stúlkan Juliette Greciet. 

Sjötta sætinu deila síðan 3 stúlkur: Lee Anne Pace, Stacy Bregman, sem báðar eru „heimakonur“ þ.e. frá Suður-Afríku og ástralska stúlkan Bree Arthur.

Til þess að sjá stöðuna á South African Women´s Open eftir 2. dag SMELLIÐ HÉR: