LET: Felicity Johnson sigraði á Lacoste Open

Það var enska stúlkan Felicity Johnson, sem stóð uppi sem sigurvegari á París International golfvellinum, hafði betur í umspili gegn hinni ítölsku Díönu Luna, sem hafði forystuna í gær.

Þetta var sagan að endurtaka sig fyrir aumingja Díönu Luna því hún tapaði fyrir 11 mánuðum síðan fyrir nöfnu Felicity Johnson þ.e. Trish Johnson í umspili á sama velli.

Eftir venjulegan leiktíma voru Felicity og Díana jafnar, báðar búnar að spila hringina 4 á mótinu á – 14 undir pari, samtals 274 höggum; Díana (69 68 67 70  ) og Felicity (68 70 69 67).

Felicity Johnson er 24 ára frá Halesowen, nálægt Birmingham á Englandi. Hún var að vonum ánægð að hafa bikarinn með sér heim til Bretlands og svo sigurlauninn…. tékk upp á € 37.500,- (þ.e. tæpar 6,2 milljónir íslenskra króna).

Í 3. sæti aðeins 1 höggi á eftir þeim Felicity og Díönu var W-7 módelið finnska Minea Blomqvist.

Fjórða sætinu deildu franska stúlkan Lucie Andre og landa Mineu, finnska stúlkan Kaisa Ruuttila, (sem búin er að standa sig frábærlega á mótum undanfarið og virðist aðeins tímaspursmál hvenær hún sigrar í einu).

Stefanie Michl og Cassandra Kirkland, sem eru búnar að verma 1. sætið undanfarna daga, héldu ekki haus, hrundu niður skortöfluna, Michl lauk leik á -9 undir pari; varð í 12. sæti og Kirkland var -7 undir pari og deildi 16. sætinu með Connie Chen frá Suður-Afríku.

Til þess að sjá úrslitin á Lacoste Open smellið HÉR: