LET: Carlota Ciganda leiðir enn eftir 2. dag Suzhou Taihu Ladies Open í Kína

Það er spænska stúlkan og nýliðinn á LET Carlota Ciganda sem er enn í forystu á Suzhou Taihu Ladies Open, sem fram fer á golfvelli Suzhou Taihu International Golf Club í Suzhou, Kína.

Carlota er búin að spila á samtals 9 undir pari, 135 höggum (65 70). Hún er með 2 högga forystu á þá sem er í 2. sæti hina þýsku Caroline Mason (68 69).

Það var vindur og þoka sem var að há stúlkunum í Suzhou en eftir hringinn sagði forystukonan Ciganda m.a.: „Ég er sjálfsörugg og er að spila vel en allt getur gerst á einni holu, bara einu höggi.“

Enn öðru höggi á eftir (Masson) er enska stúlkan Felicity Johnson á samtals 138 höggum (71 67).

Fjórða sætinu deila 4 kylfingar þ.á.m. nokkur óþekkt nöfn eins og bandaríska stúlkan Walailak Satarak og Tao Li Yang frá Kína, en auk þess Tania Elosegui frá Spáni og Samantha Richdale frá Kanada. Samtals eru þær allar búnar að spila á 4 undir pari, 140 höggum og eru 5 höggum á eftir forystukonunni Carlotu Ciganda. Spurning hvort henni takist að krækja sér í fyrsta sigur sinn á LET á morgun?

Til þess að sjá stöðuna eftir 2. dag á Suzhou Taihu Ladies Open SMELLIÐ HÉR: