LET: Ariya í forystu á 2. degi í Marokkó

Í gær hófst í Marokkó Lalla Meryem Cup, sem samsvarar Hassan II Golf Trophée hjá konunum. Spilað er á Golf de l´Ocean í Agadír, Marokkó.

Í 1. sæti þegar mótið er hálfnað er thaílenski kylfingurinn Ariya Jutanugarn, sem varð í 1. sæti í lokaúrtökumóti LET á sama velli, seint á s.l. ári. Ariya er búin að spila á samtals 6 undir pari, 136 höggum (69 67).

Öðru sætinu deila 4 kylfingar: Beth Allen, Mallory Fraiche, Lee-Anne Pace og Charley Hull; allar á samtals 4 undir pari, 138 höggum, hver; tveimur höggum á eftir Ariyu.

Golfdrottningin Laura Davies og W-7 módelið fyrrverandi Mikaela Parmlid deila síðan 7. sætinu á samtals 3 undir pari, hvor.

Meðal þeirra sem ekki komust í gegnum niðurskurð voru skoski kylfingurinn Charlie Booth og afmæliskylfingur gærdagsins hér á Golf1 Liebelei Lawrence frá Luxembourg.

Til þess að sjá stöðuna þegar Lalla Meryem Cup er hálfnað SMELLIÐ HÉR: