LET Access: Valdís lauk keppni í 3. og Ólafía í 23. sæti!!!!

Valdís Þóra Jónsdóttir úr Leyni náði sínum besta árangri á næst sterkustu atvinnumótaröð Evrópu sem lauk á Spáni í dag. Valdís endaði í þriðja sæti á þremur höggum undir pari vallar og var hún aðeins einu höggi frá efsta sætinu. Ólafía Þórunn Kristinsdóttir úr GR endaði í 23. sæti á +2 samtals.

Þetta er fyrsta mótið hjá Valdísi á þessu tímabili á LET Access mótaröðinni. Valdís Þóra fór í aðgerð í byrjun febrúar vegna álagsmeiðsla í þumalfingri og hefur hún verið í endurhæfingu frá þeim tíma.

Ólafia hefur leikið á tveimur mótum nú þegar á þessari mótaröð og á einu móti á LET Evrópumótaröðinni, sterkustu mótaröð Evrópu, þar sem hún er með keppnisrétt.

Aðstæður á keppnisvellinum voru erfiðar vegna mikillar úrkomu undanfarna daga og vikur. Breyta þurfti nokkrum holum úr par 4 í par 3 vegna þess að brautirnar voru óleikhæfar. Par vallarins var því 68 högg sem er óvenjulegt.

Sigurvegarinn Marion Duvernay í Ribeira mótinu

Marion Duvernay frá Frakklandi varð í 1. sæti á 4 undir pari, sem og Michelle Thomson frá Skotlandi, en Duvernay sigraði síðan í bráðabana.

Sjá má lokastöðuna á Ribeira mótinu með því að SMELLA HÉR: 

Heimild: golf.is