Léleg afsökun Sergio Garcia

The Guardian skrifar ágætis grein sem ber fyrirsögnina: „Sergio García’s lame excuse shows lack of respect for European Tour“  (lausleg ísl. þýðing: „Léleg afsökun Sergio Garcia er virðingarleysi við Evrópumótaröðina.“

Greinin fjallar um ástæður þess að Garcia neitaði að taka þátt í Final Series mótum Evrópumótaraðarinnar, þ.e. nokkrum lokamótum mótaraðarinnar í Kína og Tyrklandi, en þátttaka í þeim er skylduþátttaka ætli efstu 60 kylfingar að fá að taka þátt í lokamótinu í Dubai.

Sergio Garcia bar fyrir sig að „hann væri of þreyttur,“ vegna mikils álags allt árið á mótum.

Nú fæst hátt verðlaunafé, sem er í mótum Final Series einungis vegna þess að túrinn lofar að stjörnur hans mæti í mótin.

Garcia var í raun, ásamt Ernie Els, Charl Schwartzel o.fl. að mótmæla því að gera ætti þátttöku í Final Series að skylduþátttöku og ekki ætti einvörðungu að gilda að 60 efstu á peningalistanum fengju að taka þátt í lokamótinu í Dubai, en allir vilja leika í því móti vegna hins háa bónuspotts.

Guardian veltir fyrir sér hvernig Garcia gat „þegar hann var svona þreyttur“ tekið þátt í Thaílandi Open og sigrað í því móti, í desember.

Blaðinu finnast afsakanir Garcia fyrir að taka ekki þátt í Final Series lélegar og sýna Evróputúrnum virðingaleysi – túrnum sem stendur fyrir m.a. Ryder Cup, sem Garcia eins og aðrir vill fá að taka þátt í.  Hann (Garcia) hjálpar túrnum lítt að reyna að fá styrktaraðila til þess að láta af hendi háar summur í verðlaunafé. Evróputúrinn stendur síðan frammi fyrir að einhverjar flottustu stjörnurnar mæta ekki „vegna þess að þær eru of þreyttar.“  Guardian telur m.a. að Garcia hefði ekki látið sér slíkt um munn fara í upphafi ferils síns.

Hér má sjá grein Guardian SMELLIÐ HÉR: