LEK: Ísland T-12 e. 2. dag á EM eldri kylfinga

Íslenska landsliðið sem keppir á Evrópumóti eldri kylfinga í Waterloo í Belgíu bætti stöðu sína á öðrum keppnisdeginum. Íslenska liðið bætti sig um þrjá punkta og færðist upp í tólfta sæti (sem það situr í ásamt Þjóðverjum þ.e. er T-12). Vonast menn til að ná enn meiri bætingu á dag. Veður var þokkalegt – væta af og til og sólskin á milli.

Eins og fyrri daginn voru Jóhann Peter Andersen og Guðlaugur R. Jóhannsson á besta skorinu eða 37 punktum, Helgi Hólm og Gunnlaugur Ragnarsson voru með 35 punkta, Pétur Elíasson og Kristinn Jóhansson voru á 32 punktum.

Sem fyrr eru það Norðmenn sem spila best og leiða keppnina.

Keppt er á Chateau de Tournette. Mótið fer fram í tvennu lagi – með og án forgjafar og keppir lið LEK með forgjöf.

Alls eru keppendur yfir tvö hundruð frá átján þjóðum.

Eftirfarandi menn skipa íslensku sveitina: Jóhann Peter Andersen, Guðlaugur R Jóhannsson, Gunnlaugur Ragnarsson, Helgi Hólm, Kristinn Jóhannsson og Pétur Elíasson.

Fyrirkomulagið er þannig að fyrstu tvo dagana leika tveir saman í punktakeppni og telst betra skor kependa á hverri holu fyrir sig. Síðasta daginn (þ.e. í dag, 15. júlí 2016)  er síðan leiknn einmenningur. Ávallt gildir skor bestu fjögurra í hvern dag keppninni.

Bikarkeppnin (Cup):

Staðan er eftirfarandi eftir 2. daga keppni í Championship-hluta mótsins (þar sem Íslendingarnir taka ekki þátt): 

Danmörk 295

England 295

Spánn 296

Sviss 298

Svíþjóð 300

Frakkland 301

Finnland 307

Þýskaland 307

Noregur 309

Portugal 311

Belgía 314

Austurríki 326

Tékkland 328