LEIÐRÉTT FRÉTT: Þórður Rafn komst áfram á 2. stig úrtökumóts fyrir Evrópumótaröðina!!!

Hér með leiðréttist röng frétt Golf 1 „Það munaði aðeins 1 höggi hjá Þórði Rafni“ um að Þórður Rafn Gissurarson, GR, hafi ekki komist áfram á 2. stig úrtökumóts fyrir Evrópu.

Hið rétta er að Þórður Rafn komst áfram á 2. stig úrtökumótsins Sjá með því að skoða niðurstöðuna í Frilford Heath úrtökumótinu en þar er merkt Q (Qualified) við alla þá sem komust áfram á 2. stig úrtökumótsins og þeirra á meðal er Þórður Rafn – Sjá með því að SMELLA HÉR: 

Ranglega er sagt í fréttinni að munað hafi 1 höggi að Þórður kæmist á 2. stig úrtökumótsins og að aðeins 21 efstu í mótinu hafi tryggt sér sæti þar.

Hið rétta er að það voru 24 efstu og þeir sem jafnir voru í 24. sætinu eða alls 28 kylfingar, sem tryggðu sér rétt á að spila á 2. stigi úrtökumótsins.

Það verður að segjast eins og er að aldrei hefir verið jafnmikil gleði á Golf 1 með röng fréttaskrif, sem því miður geta alltaf komið fyrir.

Þórður Rafn er beðinn innilegrar afsökunnar á þessari rangfærslu og jafnframt er hér notað tækifærið að segja :

Innilega til hamingju með glæstan árangur Þórður Rafn og bestu óskir um áframhaldandi frama á 2. stiginu á Spáni!!!

Þess mætti geta að það var fyrrum ritstjóri golffréttavefsins iGolf, Valur Benedikt Jónatansson, sem benti Golf 1 á þessa vitleysu, sem hér er hörmuð mjög og aftur beðist afsökunar á. Eins er harmað að pósturinn frá ritstjóranum fyrrverandi hafi ekki verið lesinn fyrr, en Valur tók strax  eftir rangfærslunni og eru honum færðar bestu þakkir fyrir að láta vita.

Aftur: Bestu heillaóskir Þórður Rafn og gangi þér sem allra best!!!