Lee Westwood heldur naumri forystu í Thaílandi eftir 3. dag – Charl Schwartzel spilaði frábært golf – er í 2. sæti

Maður dagsins á Thaíland Golf Championship er sigurvegari Masters í ár, Suður-Afríkumaðurinn Charl Schwartzel. Leikur hans í dag var hreint augnkonfekt. Hann var skilaði sér í hús á -6 undir pari í dag þ.e. 66 höggum,  fékk 4 fugla á fyrri 9 og 3 á seinni og síðan einn ólukkans skolla á 18. holu. Samtals er Charl búinn að spila á 201 höggi (69 66 66).

Eftir frábært gengi fyrstu 2 dagana var leikur Lee Westwood langt því frá að vera einhver sýning. Svo virtist að hann ætlaði bara að halda sínu, spila öruggt og það leiddi til lummulega skorsins í dag +1 yfir pari, 73 vonbrigðahögga. Samtals er Lee búin að spila á 197 höggum (60 64 73), -19 undir pari og skorið í dag í hrópandi ósamræmi við skor fyrri daga. Munurinn mikli milli Lee og Charl Schwartzel hefir fuðrað upp og nú eru aðeins 4 högg sem skilja kappana að. Það væri hreint slys ef Lee Westwood léti stela sigrinum úr höndunum á sér á síðustu metrunum.

Bandaríkjamaðurinn Michael Thompson er í 3. sæti á -12 undir pari, samtas 204 höggum (69 66 69).

John Daly er bara í góðum málum deilir 11. sætinu með Thaílendingnum Kwanchai Tannin, en báðir hafa lokið leik á samtals -6 undir pari, samtals 210 höggum John Daly (65 73 72) og Kwanchai Tannin (69 71 70). Daly Asíu, Kiradech Aphibarnrat, einn einlægasti aðdáandi John Daly,  er í einu af neðstu sætunum, búinn að spila á samtals +6 yfir pari, 222 höggum  (72 75 75).

Til þess að sjá stöðuna á Thailand Golf Championship eftir 3. dag smellið HÉR: