Ragnheiður Jónsdóttir | september. 13. 2013 | 20:45

Landsbyggðin leiðir 11-1 í KPMG bikarnum eftir fyrri umferð

Landsbyggðin leiðir eftir 1. dag, enda flestir af bestu kylfingum höfuðborgarinnar við keppni í bandaríska háskólagolfinu, krakkar á borð við Sunnu Víðis, Íslandsmeistara í höggleik í kvennaflokki 2013, Berglindi Björns, Ólafíu Þórunni, Guðmund Ágúst, Andra Þór,  Harald Franklín Magnús, Ragnar Má og þá eru aðeins nokkrir nefndir.  Ónefndir er þá t.a.m menn á borð við. Birgi Leif, Íslandsmeistara í höggleik 2013, Ólaf BjörnStefán Má, stigameistarann í piltaflokk 2013  Andra Snæ og Þórð Rafn. 

Og þegar kettirnir sofa bregða mýsnar á leik!!!

Og jafnvel ef litið væri framhjá þessum stórkylfingum íslensks golfs, þá eru ýmsir af okkar alfremstu ungu kylfingum sem ekki eru í liðum höfuðborgarinnar og landsbyggðarinnar, þannig að undrast verður val fyrirliða.

T.a.m. hefir algerlega verið litið framhjá nýlegum  meistara Unglingaeinvígisins í Mosó, Ingvari Andra Magnússyni, GR, sem þótt hann sé aðeins 12 ára lagði sér eldri og reyndari kylfinga í Unglingaeinvíginu og er að öðrum ólöstuðum okkar alefnilegasti ungi kylfingur.  Það hefði verið gaman að sjá hann í úrvalsliði höfuðborgarinnar í KPMG-bikarnum.

Hvað varðar lið landsbyggðarinnar þá eru þar einfaldlega alverulega sterkari kylfingar í því liði, en í liði höfuðborgarinnar. Þannig eru 8 af 12 liðsmönnum landsbyggðarinnar úr Golfklúbbnum Keili þannig að það er ekki sökum að spyrja um úrslit.   Öll spenna er úr keppninni, sem sést á niðurstöðu dagsins 11-1, þar sem bókstaflega er valtað yfir annars hæfileikaríka kylfinga höfuðborgarinnar, sem þar að auki eru sumir meiddir, sbr. Særósu Evu Óskarsdóttur, GKG.

Ljóst er að einungis 2 af 12 tvímenningsleikjum morgundagsins þurfa að vinnast til þess að sigur landsbyggðarinnar sé í höfn og fyrirfram næstum 99% líkur fyrir því að landsbyggðin fagni sigri!  Aðeins kraftaverk dugar gegn sterku liði landsbyggðarinnar og þar er einungis liðinu, mestmegnis GK-ingum þ.e. sterkum keppendum, að þakka sigurinn.  Má biðja um meiri spennu næst?