Kynningarmyndskeið á nýlegri golfkvikmynd: „Golf in the Kingdom“

Nú á árinu kom á markaðinn ný golfkvikmynd, „Golf in the Kingdom“,  sem byggð er á samnefndri bók Michael Murphy. Sjá má útdrætti úr bókinni með því að smella HÉR:   Bókin hefir verið þýdd á 19 tungumál og hefir selst í milljónum eintaka. Murphy fékk innblástur sinn til að skrifa bókina eftir veru í Sri Aurobindo Ashram, þar sem hann fékk áhuga á því sem líkt var milli íþróttamanna sem náðu framúrskarandi árangri og fólks sem sagðist hafa náð Zen stigi.

Clint Eastwood keypti upprunalega réttinn að kvikmyndinni en gerði aldrei neitt í því að koma handritinu á hvíta tjaldið. Árið 2009 hófu Mindy Affrime og Susan Streitfeld framleiðslu á sinni útgáfu á myndinni og var afraksturinn frumsýndur nú í sumar í New York, nánar tiltekið 29. júlí, við góðar undirtektir.

Með helstu hlutverk í kvikmyndinni „Golf in the Kingdom“ fara David O’Hara, Malcolm McDowell og Frances Fisher.

Myndin fjallar um bandaríska heimspekinemann Michael Murphy, sem á leið sinni til Indlands, stoppar í Skotlandi til þess að spila golf á „The Links of Burningbush.“  Hann ætlar sér að njóta síðasta hringsins, þar sem hann ætlar sér að hætta í golfi en er þá paraður með dularfulla atvinnukylfingnum Shivas Irons. Það hefst villt ævintýri á linksaranum og skynjun Murphy á golfi og lífinu í heild breytist varanlega. Umbreytingin leiðir til djúpstæðrar og órjúfanlegrar vináttu þeirra.

Hér má sjá trailer-inn, þ.e.a.s. kynningarmyndskeið kvikmyndarinnar: GOLF IN THE KINGDOM