Kylfingur m/heilaskaða e. árás á golfvelli

Grimmileg og ónauðsynleg árás á golfvelli skildi 75 ára kylfing í Arizona eftir með heilaáverka eftir að hann sló boltann sinn of nálægt öðrum hópi fyrr í sumar í Glendale, Arizona, samkvæmt frétt í New York Post.

Bashir Mahmud, sem hóf störf á The Legend á Arrowhead golfvellinum, sló bolta sinn nálægt tveggja manna holli, sem léku sjöundu holuna. Þegar Mahmud fór að sækja boltann sinn réðst, annar mannanna, hinn grunaði, á hann.

Að sögn lögreglu fundu hinir í ráshóp Mahmud hann undir hinum grunaða, þar sem sá hafði endurtekið slegið fórnarlambið í höfuðið.

„Hann sá það ekki koma,“ sagði sonur fórnarlambsins, Munir Mahmud, við KSAZ. „Hann (hinn grunaði) sló hann niður, pinnaði hann við jörðu og sló hann bara sex eða sjö sinnum í höfuðið, þannig að hann missti meðvitund.“

Hinum grunaða, sem var í svartri skyrtu og gráum stuttbuxum er lýst sem 1,9 m háum og 110 kg og með stutt svart hás.

Spilafélaginn var á tvítugsaldri 1,77 m og 73 kg. Hann var í blárri skyrtu og í húðlituðum stuttbuxum.

Þeir flúðu af vettvangi í golfbíl og hafa enn ekki verið handteknir; en myndir náðust samt af þeim (sjá aðalmyndaglugga).

Árásin, sem átti sér stað í maí, skildi Mahmud eldri eftir í krítísku ástandi með heilaáverka. Enn þremur mánuðum síðar sagði sonur Mahmuds að faðir hans væri enn í sjúkraþjálfun og væri enn að fást við hugræn vandamál.

„Ég þekki föður minn og veit að það er bara ekki í lagi með hann,“ sagði Munir. „Hann á erfitt með að skrifa tékka, veita undirskrift og svoleiðis hluti. Sá sem gerði þetta verður bara að gefa sig fram og fara til lögreglunnar vegna þess að það verður aðeins verra fyrir þá seinna. “

Lögreglan í Glendale rannsakar enn atvikið og lýsir eftir hinum grunaða og vitninu sem spilaði með honum.

Þeir sem hafa einhverjar upplýsingar um málið eru beðnir að snúa sér til lögreglunnar í Glendale – sími: 00 1 (623) 930-3000.