Kylfingar 19. aldar: nr. 7 – Willie Dunn eldri

Willie Dunn eldri fæddist í Musselburgh 1821. Hann, ásamt tvíburabróður sínum, Jamie, spilaði í mörgum áskorendamótum (challenge matches) á árunum 1840-1860. Willie var nemi hjá Gourlay fjölskylduni og var vallarstjóri í Blackheath til ársins 1864, en þá sneri hann aftur til Thistle golfklúbbsins á Leith Links. Willie vann sem kylfu- og boltasmiður í heimahúsum þ.e. í Primrose Cottage, Lochend, Leith. Árið 1867 tók Thistle golfklúbburinn Vanburgh Place nr. 8 á leigu sem klúbbhús og þar bjó Willie Dunn og var með verkstæði á Vanburgh Place Lane.

Dunn átti tvo syni Thomas (alltaf kallaður Tom), sem nam kylfusmíði hjá föður sínum í Musselburgh og Willie Dunn yngri, sem var nemi hjá eldri bróður sínum frá 13 ára aldri (um syni Willie Dunn eldri og sonarsyni Seymour og John verður fjallað næstu daga).

Willie Dunn eldri  bjó á Leith Links í 10 ár áður en hann flutti sig aftur til North Berwick. Hann dó í Millhill, Inveresk árið 1878, aðeins 57 ára.

Heimild: North Berwick Factfile