Kylfingar 19. aldar: Nr. 3 Allan Robertson – seinni hluti –

Allan Robertson bætti Old Course umtalsvert með því að stækka flatir vallarins, vegna aukins áhuga á golfinu. Fram og tilbaka flæði leiks um mjóa braut á Old Course leiddi að lokum til þess að búnar voru til stórar flatir, sem voru einstakar í Skotlandi; stundum hefir verið líkt eftir þeim í nútíma golfvallarhönnun. Fyrsta verk Allan í golfvallarhönnun, var að hanna 10 fyrstu holur á Carnoustie golfvellinum 1842, en við það verk naut hann aðstoðar Old Tom Morris.

Samskipti Allan og Old Tom súrnuðu þegar Allan stóð Old Tom Morris að verki að spila með guttie golfboltanum, sem var nýr og ódýrari golfbolti og flýtti fyrir endalok á 100 ár bissness Robertson fjölskyldunnar, sem framleiddi fjaðurfyllta leðurbolta. Morris fór frá Robertson og kom sér upp sínu eiginn golfviðskiptaveldi.  Old Tom Morris fluttist (eins og áður hefir verið ritað hér á Golf 1) til Prestwick 1851, á vesturströnd Skotlands og byggði nýjan golfvöll þar sem hann starfaði sem atvinnumaður og vallarstjóri. Guttie sló í gegn og fjaðurfyllti leðurboltabissness Allans hrundi, en hann skipti reyndar fljótt um skoðun og hóf að framleiða guttie bolta, sem voru búnir til úr fljótandi gúmmí (gutta percha) sem finnst aðallega í Malasíu.

Allan Robertson dó úr gulu. Royal og Ancient Golf Club of St. Andrews (R&A) gaf út yfirlýsingu þegar hann dó þar sem framlag Allans til golfíþróttarinnar var mært og stóð fyrir árlegri söfnun til framfærslu ekkju hans. Portret mynd af Allan Robertson er í safni R&A. Á grafskrift hans stendur: „Allan Robertson – dó 1. september 1859, 44 ára að aldri.  Hann var mikils metinn vegna persónu sinnar og var í mörg ár mikils metinn meistarakylfingur Skotlands.”

Opna breska varð í raun til í kringum dauða Allan Robertson. Þar sem álitið var að hann væri besti kylfingur mestallt líf sitt þá efndu kylfingar í Prestwick til keppni 1860 til þess að krýna arftaka hans, sem „meistarakylfings.”  Opna breska hefir farið fram á hverju ári síðan, nema á stríðstímum og er elsta og lengst starfandi golfmót sögunnar og það elsta af risamótunum 4.

Heimild: Wikipedia