Ragnheiður Jónsdóttir | nóvember. 22. 2011 | 19:00

Kylfingar 19. aldar: nr. 27 – Isette Pearson

Isette Pearson fæddist 2. nóvember 1861 og dó 25. maí 1941. Hún er nefnd móðir golfs í Surrey og var stofnandi LGU (Ladies Golf Union), í maí 1893. Hún átti m.a. stóran þátt í að móta forgjafarkerfið, sem var í molum á 19. öld. (Sjá m.a. 3. grein um: USGA minnist þess að 100 ár eru liðin frá því forgjafarkerfið var tekið upp, sem birtist hér á Golf 1 fyrr í dag, en þar er minnist Hunky Yun, á Isette.)

Isette Pearson 1890

Isette fluttist með fjölskyldu sinni til Putney 1879, þá 18 ára og gekk í Barnes golfklúbbinn og hóf þar með þátttöku í golfi í Surrey. Hún flutti sig síðan yfir í Wimbledon golfklúbbinn. Hún var forseti Surrey Ladies Golf Club á árunum 1900-1912.

Isette Pearson, lengst til vinstri - sigurvegarinn Lady Margaret Scott sitjandi í gráu.

Álitið var að Isette væri piparjómfrú og hún kom af stað heilmiklu slúðri þegar hún kvæntist tvívegis á „jazzáratugnum“ (ens. the roaring twenties), þá hátt komin á fimmtugsaldur.

Sjaldgæf mynd af Lady Margaret Scott (t.h.) og Isette Person (t.v.) á fyrsta British Ladies Amateur í Lytham, 1893.

Isette Pearson hleypti m.a.s af stokkunum sínu eigin golfmóti. Fram kom sú tillaga að skera ætti úr um hver væri besti kylfingur í Surrey með því að halda mót og gaf Isette bikarinn í mótið: the Pearson Challenge Cup.  Sumum fannst að forgjafarlægstu kylfingarnir ættu bara að fá að keppa en Isette fannst að allir kylfingar ættu að hljóta kepnisrétt. Málamiðlunin var að allir með forgjöfina 15-32 gætu keppt í mótinu. Árið 1910 tóku klúbbar í Middlesex, Hertfordshire og Kent County einnig þátt í mótinu, sem þá nefndist: The Pearson Trophy.

Isette tók m.a. þátt í fyrstu British Ladies Amateur Golf Championship og varð í 2. sæti;  tapaði fyrir Lady Margaret Scott í bæði skiptin; 1893 7&5 og 1894 3&2, en spiluð var holukeppni.

Loks mætti geta að Isette Pearson skrifaði kafla í golfkennslubók fyrir konur, sem hét „Our Lady of the Green“ og kom út árið 1899 hjá Bullen & Lawrence, í London.

Heimild: Wikipedia og www.slcga.org/docs/pear2008.pdf