
Kylfingar 19. aldar: nr. 20 – Lady Margaret Scott
Lady Margaret Rachel Scott er fædd 5. apríl 1874 um það leyti sem Kristján konungur IX. afhenti Íslendingum fyrstu stjórnarskránna um hin sérlegu málefni Íslands.
Lady Margaret var dóttir John Scott, 3. jarlsins af Eldon og sú 4. af 7 börnum hans.
Í skjóli forréttindastöðu sinnar var hún ein af fáum konum, sem fékk að leika sér í golfi, en hún þótti yfirburðakvenkylfingur á sínum tíma, sigraði m.a. fyrstu þrjú bresku kvenmeistaramótin í golfi (British Ladies Championships) árin 1893, 1894 og 1895.
Margir bræðra hennar voru líka í golfi: Michael Scott sigraði The Amateur Championship árið 1933, annar bróðir Osmund Scott var í 2. sæti á sama móti 1905 og bróðir hennar Denys Scott tók einnig þátt í mótinu.

Sjaldgæf mynd af Lady Margaret Scott (t.h.) og Isette Person á fyrsta British Ladies Amateur í Lytham, 1893.
Í tveimur fyrstu sigrum sínum vann Lady Margaret Scott, Isette Person, sem stofnaði og var fyrsti ritari sambands kvenkylfinga í Bretlandi (ens.: Ladies Golf Union). Lady Margaret vann 7 & 5 árið 1893 og 3 & 2 árið 1894 og síðan sigraði hún Emmu Lythgoe 5 & 4 árið 1895. Eftir 3. sigurinn hætti Lady Margaret að keppa í golfi.
Samt nokkuð vel af sér vikið fyrir konu á þeim tíma, Lady Margaret Scott var uppi á!
Fjölskylduábyrgð tók við þegar hún giftist Hon. Frederick Gustavus Hamilton-Russell árið 1897.
Lady Margaret Scott dó árið 1938, 63 ára að aldri.
Heimild: Wikipedia
Þessi grein greinarhöfundar hefir áður birst á iGolf.is í janúar 2011
- mars. 31. 2023 | 16:30 Gary Player þarf að „grátbiðja“ til að fá að spila á Augusta National
- mars. 26. 2023 | 23:24 PGA: Sam Burns sigraði í WGC-Dell holukeppninni
- mars. 23. 2023 | 16:00 Afmæliskylfingur dagsins: Kristín Sigurbergsdóttir – 23. mars 2023
- mars. 22. 2023 | 16:00 Afmæliskylfingur dagsins: Peter McEvoy og Davíð Arthur Friðriksson – 22. mars 2023
- mars. 21. 2023 | 16:00 Afmæliskylfingur dagsins: Stewart Cink ——– 21. mars 2023
- mars. 21. 2023 | 15:00 Next Golf Tour: Sigurður Arnar sigraði á Adare Manor!!!
- mars. 20. 2023 | 16:00 Afmæliskylfingur dagsins: Arjun Atwal ——– 20. mars 2023
- mars. 20. 2023 | 08:45 Champions: Ernie Els sigraði á Hoag Classic
- mars. 20. 2023 | 08:00 LIV: Danny Lee sigraði í LIV Golf – Tucson
- mars. 19. 2023 | 22:30 PGA: Taylor Moore sigraði á Valspar
- mars. 19. 2023 | 16:00 Afmæliskylfingur dagsins: Guðrún Kristín Bachmann – 19. mars 2023
- mars. 19. 2023 | 14:00 PGA: Adam Schenk leiðir f. lokahring Valspar m/Fleetwood og Spieth á hælunum
- mars. 18. 2023 | 20:00 Golfgrín á laugardegi (11/2023)
- mars. 18. 2023 | 16:00 Afmæliskylfingur dagsins: Bragi Brynjarsson og Marousa Polias – 18. mars 2023
- mars. 18. 2023 | 15:00 LET: Pauline Roussin-Bouchard sigraði í einstaklingskeppni Aramco Team Series – Singapore