Krókódíll étur hund konu sem var að viðra hann á golfvelli

Nú á laugardaginn s.l. átti sér stað dráp á golfvelli í Flórída.

Kona ein var á gangi með hund sinn í námunda við golfvöll Crandon Golf  í Key Biscayne þegar krókódíll einn réðist á hund konunnar og reif hann með sér út í vatn,  sem þar var í námunda og drap hann.  Lítið var eftir af hundi konunnar.

Hann dó af bitsárum, sem hann hlaut af völdum saltvatns krókódílsins.

Lorenzo Veloz, talsmaður The Florida Fish and Wildlife Conservation Commission segir í viðtali í dagblaðinu Orlando Sentinel að saltvatnskrókódílar lifi venjulega á minni þvottabjörnum (ens. racoons og possums) þegar þeir koma nálægt vötnum, til þess að fá sér að drekka.

Hann sagði jafnframt að hægt hefði verið að koma í veg fyrir atvikið ef konan hefði verið með hundinn í ól.

Þessi frétt sem m.a. var birt í Naples Daily News er birt hér til að vara íslenska kylfinga á leið til Flórída við hættum sem stafað geta af dýrum á golfvöllum Flórída og eins til að brýna fyrir kylfingum, sem spila golf á þessum slóðum að gæta fyllstu varúðar.

Nr. 1 Sleppið að leita að boltum ef þið sláið í vatnstorfæru í Flórída – forðist að fara nálægt vötnum á golfvöllum í Flórída, því þar geta leynst krókódílar.  Ekki gera neitt til þess að styggja dýr sem verða á vegi ykkar eða ögra. Það getur endað með ósköpum.

Það eru mörg dýr, sem þarf að hafa augun opin fyrir á golfvöllum í Flórída – t.a.m. snákum og eðlum, sem þar er að finna en bit þeirra geta verið banvæn.  Njótið golfsins … en fyrir alla muni, farið varlega!!!