Rickie Fowler
Ragnheiður Jónsdóttir | júní. 1. 2013 | 10:00

Komið í veg fyrir golfmeiðsl í mjóbaki – ráð Rickie Fowler

Í Golf Digest er ágætis grein eftir Ron Kapriske um golfverki í mjóbaki og hvernig megi draga úr þeim, með vísun til Rickie Fowler m.a., sem átt hefur í meiðslum vegna þessa.

Rickie Fowler er  aðeins 24 ára og hann er eins liðugur og gúmmíband og hefir samhæfingu handa og augna líkt og heimsklassa töframenn sem halda mörgum boltum á lofti. En…. hann er líka með eymsli í mjóbaki. Því er erfitt að trúa um mann á aldri Fowler og sérstaklega að Fowler sem er  svo íþróttamannslegur skuli kljást við eitthvað sem kylfingar um 50 ára aldurinn eiga oft í vandræðum með.

Hvernig hlaut Fowler þessi meiðsl? Það er erfitt að vita nákvæmlega, þó flestir kylfingar sem eru með verki í mjóbaki kenni um óvenjulegri eða óhefðbundinn sveiflu og litlum hreyfanleika mjaðma og miðbaks.

Þjálfarinn Ben Shear á Golf Digest (@Ben_Shear) sem þjálfar nokkra kylfinga á PGA Tour, segir að það að auka sveigjanleika mið baks geti létt öllu ónauðsynlegu álagi af mjóbakinu. Það sama gildir um þegar hreyfanleiki mjaðma er aukin. Þegar þið eruð í ræktinni leggið þá stund á fjölbreytt úrval æfinga sem bæta hreyfigetu ykkar í miðbaki og mjöðmum en það hjálpar ykkur að vernda ykkur gegn verkjum í mjóbaki.

Fyrir miðhluta baksins þá er æfing eins og að sitja upprétt og bein/n á stól og hreyfa bolinn til skiptis í sitthvora átt sérlega góð. Það verður að muna að halda mjöðmum og lægri hluta líkamans kjurrum. Til þess að hjálpa mjöðmunum, þá gera litlir hlutir eins og að ganga upp stiga í stað þess að taka lyftu mikið.

„Mænan getur snúist að nokkru leyti,“ segir Shear. „En ekki nándar nærri eins mikið og mið-bakið. Þess vegna er mikilvægt að vinna í því auka hreyfanleikann í miðbaki. Það er gert með því að hreyfa efri hluta líkamans til sitthvorrar hliðar með lágmarks snúningi mænu.“

MEÐ ÞVÍ AÐ SMELLA HÉR MÁ M.A. FÁ RÁÐ HJÁ RICKIE UM HVERNIG HANN DRÓ ÚR VERKJUM Í MJÓBAKI