Keiliskonur með fullt hús stiga í sveitakeppni eldri kylfinga!!!

Í dag hófst á Akureyri sveitakeppni GSÍ í 1. flokki eldri kvenkylfinga.

Eftir 1. dag er sveit Golfklúbbsins Keilis sú eina sem er með fullt hús stiga, vann alla 3 leiki sína.

1. GK-GA 3-0

Þær Helga Gunnarsdóttir og Margrét Berg Theódórsdóttir í sveit Keilis unnu heimakonurnar Þórunni Önnu Haraldsdóttur og Höllu Sif Svavarsdóttur, í GA, í fjórmenningi dagsins 3&2. Anna Snædís Sigmarsdóttir, GK vann leik sinn gegn Guðnýju Óskarsdóttur, 4&3 og Kristín Sigurbergsdóttir, GK, sinn leik gegn Jakobínu Reynisdóttur 3&1.

2. GR-GKB 2,5-0,5

Allt var jafnt í fjórmenningsleik þeirra Steinunnar Sæmundsdóttur og Jóhönnu Bárðardóttur í sveit GR gegn þeim Brynhildi Sigursteinsdóttur og Unni Jónsdóttur, í sveit GKB. Tvímenningsleikir GR unnust báðir.  Þannig vann Ásgerður Sverrisdóttir, GR sannfærandi sigur á Unni Sæmundsdóttur, GKB, 5&4 og Stefanía Margrét Jónsdóttir, GR vann Jennettu Bárðardóttur, GKB, 3&2.

3. NK-GKG 2,5-0,5

Oddný Rósa Halldórsdóttir og Áslaug Einarsdóttir í sveit NK unnu í fjórmenningi gegn þeim Bergljótu Kristinsdóttur og Jóhönnu Ríkey Sigurðardóttur, í sveit GKG 3&2. Þyrí Valdimarsdóttir, NK vann sinn leik gegn Jónínu Pálsdóttur, GKG og allt var jafnt í leik Ágústu Dúu Jónsdóttur, NK gegn Maríu Guðnadóttur, GKG.

4. GKJ-GS 2-1

Sveitarmeðlimir Golfklúbbs Suðurnesja, þær Ólafía Sigurbergsdóttir og Helga Sveinsdóttir unnu fjórmenningsleik sinn gegn þeim Elínu Rósu Guðmundsdóttur  og Guðnýju Helgadótur úr sveit GKJ, 2&1.  Margrét Óskarsdóttir, GKJ, vann einn stærsta sigurinn í mótinu þ.e. 7&5 gegn Hafdísi Ævarsdóttur, GS og  Rut M. Héðinsdóttir, GKJ vann sinn tvímenningsleik gegn Magdalenu Sirrý Þórisdóttur, 2&1.