Kaymer missir spilarétt á PGA

Þýski kylfingurinn Martin Kaymer missti spilarétt sinn á PGA Tour þegar hann komst ekki í gegnum niðurskurð á Wyndham Championship.

Kaymer, sem orðinn er 34 ára er tvöfaldur risamótsmeistari.

Það myndi enginn hafa spáð þessu fyrir 5 árum þegar Kaymer vann 2 risatitil sinn á Opna bandaríska á Pinehurst.  Þá átti hann 8 högg á þá  Rickie Fowler and Erik Compton. Sigurinn var endurkoma hans eftir svipaða lægð og hann er í nú.

Á Wyndham nú, 5 árum síðar, spilaði hann á 5 yfir pari, 75 höggum og var samtals á 1 yfir pari, sem var 5 höggum frá því að komast gegnum niðurskurðinn sem miðaðist við 4 undir pari eða betra.

Með þessari frammistöðu kemst hann ekki í FedEx Cup umspilið og nær ekki þeim 15 mótum sem krafist er að kylfingar spili í til þess að halda spilarétti sínum á PGA Tour.

5 ára frír spilaréttur á PGA Tour, sem er hluti af sigurlaunum fyrir að sigra á risamóti, er liðinn og þar sem hann nær aðeins að spila í 14 mótum á þessu keppnistímabili nær hann ekki einu sinni takmörkuðum spilarétti jafnvel þó hann verði meðal efstu 150.

Og þar sem hann hefir ekki sigraði sl. 5 ár hefir hann misst allar undanþágur sínar á túrnum og er ekki lengur fullgildur meðlimur á PGA Tour.

Kaymer var nr. 97 á heimslistanum í þessari viku og ólíklegt þykir að hann hljóti takmarkaðan spilarétt á túrnum jafnvel þó hann verði meðal 150 bestu á heimslistanum.

Kaymer sigraði í fyrsta risamóti sínu, PGA Championship, með dramatískum hætti þannig að lengi verður í minnum haft. Það var á  Whistling Straits árið 2011, þegar Dustin Johnson, sem var í forystu fékk 2 högga víti á 18. holu fyrir að snerta sand í bönker. Kaymer sigraði svo sem frægt er eftir bráðabana við Bubba Watson.

Hann spilaði síðan ótrúlega vel í Rydernum og eins og áður segir sigraði á Opna bandaríska á Pinehurst 2014.

En síðan þá hefir Kaymer undirgengist sveiflubreytingar, sem hafa leitt til þess að hann fer úr því að vera einn af heimsins bestu kylfingum í mann sem missir spilarétt sinn á PGA Tour.