Strákarnir okkar byrja vel – Haraldur Franklín í 2. sæti og Axel T-3

Karlalandsliðið hóf keppni í dag á Postolowo golfvellinum í Póllandi. Mótið fer fram 8.-11. júlí.

Postolowo völlurinn er næst lengsti völlur Evrópu, alls 7101 metri.

Í mótinu keppa tíu þjóðir, en þrjár efstu komast í 1. deildar keppnina á næsta ári.

Leiknar eru 36 holur í höggleik og munu fjórar efstu þjóðirnar leika holukeppni, þjóð gegn þjóð, tvær umferðir á hverjum degi, fjórir fjórmenningar fyrir hádegi og fimm tvímenningar eftir hádegi.

Karlalandslið Íslands er svo skipað:

Andri Þór Björnsson (GR), Axel Bóasson (GK), Guðmundur Ágúst Kristjánsson (GR), Haraldur Franklín Magnús (GR), Kristján Þór Einarsson (GM), Rúnar Arnórsson (GK). Þjálfari: Birgir Leifur Hafþórsson. Liðsstjóri/sjúkraþjálfari: Gauti Grétarsson.

Best af íslenska karlalandsliðinu stóð sig Haraldur Franklín Magnús, GR á 1. degi, en hann lék Postolowo á glæsilegum 3 undir pari, 69 höggum; næstbestur af íslenska karlalandsliðinu á 1. degi var Axel Bóasson, GK, en hann er T-3 eftir glæsilegan 1. hring upp á 2 undir pari, 70 högg.

Rúnar Arnórsson, GK og Kristján Þór Einarsson, GM eru jafnir T-7 eftir góða byrjun á sléttu pari, 72 högg.

Andri Þór Björnsson, GR lék á 3 yfir pari, 75 höggum og er T -28 og Guðmundur Ágúst Kristjánsson, GR lék á 4 yfir pari, 76 höggum og er T-37.  Allt í allt frábær byrjun hjá íslenska karlalandsliðinu, sem við getum verið stolt af!!!

Strákarnir okkar / Íslenska karlalandsliðið er í efsta sæti á samtals á samtals 2 undir pari, 358 höggum og á hæla okkur eru Noregur og munar aðeins 1 höggi – Noregur í 2. sæti á samtals 1 undir pari, 359 höggum. T-3 eru Austurríki og Portúgal á samtals 5 yfir pari, 365 höggum.  Í 5. sæti er síðan Slóvenía á samtals 10 yfir pari, 370 höggum.

Sjá má stöðuna hjá strákunum okkar með því að SMELLA HÉR: