Kæresta Martin Kaymer í Big Break Atlantis

Kæresta þýska kylfingsins Martin Kaymer, Allison Micheletti tók þátt í Big Break Atlantis keppninni, sem vakið hefir athygli á mörgum kylfingum og komið þeim í golfkastljósið.  Þeir sem náð hafa frægð í gegnum Big Break eru m.a. Ryann O´Toole, sem var í Solheim Cup liði Bandaríkjanna 2011, Matt Every, James Nitties, Kristy McPherson og „tveggja hanska“ Tom Gainey. Útsendingar á Big Break Atlantis þáttunum  á Golf Channel hófust 14. maí s.l. í Bandaríkjunum.

Allison Micheletti í Big Break Atlantis.

Þeir sem fylgjast með golfi á Golf Channel hafa eflaust séð kynningar á keppendunum 12 og þ.á.m. Allison, sem er meðal þekktari þátttakenda vegna frægðar kærestans.

Allison Micheletti er 24 ára og fyrir utan að vera kæresta Kaymer, er hún dóttir fyrrum atvinnuhokkíleikmannsins Joe Micheletti, sem nú er leikskýrandi á sjónvarpsstöð New York Rangers.

Allison byrjaði seint að spila golf eða 17 ára eftir að hnjámeiðsli gerðu út um feril hennar sem körfuboltamanns. Frægt er þegar hún reyndi að komast á LET gegnum Q-school með Kaymer á pokanum, 2010.  Síðan þá hefir hún m.a. reynt að komast á LPGA og spilað á Cactus Tour  (sömu mótaröð og Tinna Jóhannsdóttir spilaði á) og kanadíska túrnum og nú tók hún þátt í Big Break.