Jón Pétur Jónsson endurkjörinn formaður GR – hagnaður GR var 12 milljónir árið 2011

Á heimasíðu stærsta golfklúbbs Íslands, GR, er eftirfarandi frétt:

„Jón Pétur Jónsson var endurkjörinn formaður Golfklúbbs Reykjavíkur á aðalfundi klúbbsins sem fram fór í  golfskálanum í Grafarholti mánudaginn 5.desember. Jón Pétur er að hefja sitt fimmta ár sem formaður Golfklúbbs Reykjavíkur. Nýkjörinn formaður vill koma á framfæri þökkum til félagsmanna með það traust sem honum var sýnt með endurkjöri. Aðrir stjórnarmeðlimir gáfu kost á sér til áframhaldandi stjórnarsetu.

Eins og fyrr segir var aðalfundur GR haldinn 5. desember þar sem félagsmönnum var kynnt starfsárið sem var að líða. Hagnaður á rekstri klúbbsins á starfsárinu var um 12 milljónir króna, en til samanburðar var hagnaður síðasta árs rúmar 3 milljónir króna. Tekjur námu alls 330 millj. kr samanborið við 321 millj. kr á árinu 2010. Fjárhagsáætlun næsta árs gerir ráð fyrir tæplega 16 milljón króna hagnaði.

Vorið var með eindæmum kalt og bitnaði mest á Grafarholti. Mikið um næturfrost og sumarbyrjun lagðist ekki vel í kylfinga. Þann 12. júní  snjóaði niður í miðjar hlíðar Esju. Loka þurfti Grafarholtinu vegna kuldans og nýgræðingur var mjög viðkvæmur. Það sést best á leiknum hringjum á árinu:

Grafarholt: 32.488 hringir á móti 34.211 í fyrrasumar eða 5% færri hringir enn 2010
Korpan: 35.071 hringur. Nokkurn vegin sami hringja fjöldi á milli ára
Garðavöllur: 19.430 hringir á móti 22.282 í fyrrasumar eða 14% færri hringir enn 2010
Litli völlurinn: 4.050 hringir á móti 4.723 í fyrrasumar eða um 14% færri leiknir hringir enn 2010
Samtals gerir þetta leikna hringi upp á 91.039 á móti 97.000 hringjum 2010, sem er um 6% samdráttur frá því í fyrra. Þótt veður hafi verið frábært eftir að hlýnaði og hélst þannig til 1. október.

En þess má get að Korpan var opin inn á miðja flatir alveg til 22. nóvember.

Leiknir hringir á vinavöllum GR:
Strandavöllur, Hellu: 1.346 hringir á móti 1.783 eða 25% færri hringir á milli ára
Hólmsvöllur:  877 hringir á móti 962 eða um 10% færri hringir á milli ára
Þorlákshafnarvöllur: 1.510 hringir á móti 1.470 fleiri hringir enn 2010

Þetta eru samtals um 3.733 leiknir hringir á vinavöllum, sem er 482 færri hringir en árið 2010.

Aðalfundurinn samþykkti gjaldskrá félaga fyrir næsta ár, að tillögu stjórnar:

Félagsmenn 21 – 66 ára verður 82,000 kr.
Félagsmenn 67 ára og eldri verður 45,000 kr.
Félagsmenn 18 – 20 ára verður 39,500 kr.
Félagsmenn 11 – 17 ára verður 28,000 kr.
Félagsmenn 10 ára og yngri verður 14,000 kr.

Námsmenn 21-25 ára, í fullu námi, lánshæfu hjá LÍN, geta sótt um að greiða sérgjald, 45,000 kr.

Allir nýir félagar greiða inntökugjald sem bætist við félagsgjaldið fyrsta árið. Inntökugjaldið er 50 % af félagsgjaldi.“

Heimild: grgolf.is