Ragnheiður Jónsdóttir | nóvember. 27. 2021 | 14:00

Jólagjafahugmyndir fyrir kylfinga

Næsta sunnudag er 1. í aðventu. Og stutt er í 1. des, en þá er mikil gleði hjá yngri kynslóðinni þegar hún fær að opna 1. gluggann á jóladagatölunum eða 1. pakkann eins og er venjan á pakkadagatölum. Svo fara jólasveinarnir að koma til byggða einn af öðrum.

Já, jólin nálgast óðum og margir eru farnir að huga að jólagjöfum. Í gær og nú um helgina er „svartur föstudagur“ og hægt að gera kjarakaup til jóla, m.a. handa kylfingnum í lífi þínu. Ein skemmtileg hugmynd að jólagjöf er á heimasíðu Hissa.is en það er golfderhúfa með ljósi, sem er góð við ýmsar aðstæður; t.d. golfleik í myrkri sbr. glóboltagolfmót sem haldin hafa verið hér, til þess að lesa golfbók þegar rafmagnið fer úr sambandi eða í öðrum tilgangi t.d. við veiðar o.fl. o.fl aðstæður sem hugsa mætti sér. Sjá mynd af ljósaderhúfunni hér fyrir neðan:

Golf Digest hefir loks líka tekið saman lista með nokkrum hugmyndum að jólagjöfum handa kylfingum, sem sjá má með því að smella hér: JÓLAGJAFAHUGMYNDIR HANDA KYLFINGUM – GOLF DIGEST