Johnny Miller sagðist eitt sinn hafa verið beðinn að hjálpa Tiger með stuttu járnin en hafnaði – nú er hann opinn fyrir samstarfi

Johnny Miller segir að hann hafi eitt sinn verið beðinn um að þjálfa Tiger. Í októberhefti Golf Magazine segir Miller m.a.:

„Það eru ekki margir sem vita af þessu en þegar Tiger hafði verið á Túrnum í tvö eða þrjú ár þá hringdu menn hans og spurðu hvort ég myndi vilja taka hann í tíma í stuttu járnunum,“ sagði Miller. „Jack Nicklaus sagði honum að ég væri sá besti í stuttu járnunum – sem er ansi mikið hrós.“

Miller sagðist hafa hafnað boðinu vegna starfs síns sem golffréttaskýranda hjá NBC og óskar hans um að verja meiri tíma með börnum sínum og barnabörnum.

„Ég var þreyttur,“ sagði Miller. „Ég taldi að ég gæti ekki gefið honum þann tíma sem hann þarfnaðist þannig að ég hafnaði honum, sem ég held ekki að margir hefðu gert.“

Og hvað nú?

„Hann er náunginn sem ég myndi vilja hjálpa mest.“ sagði Miller. „Ég hef fylgst með honum frá því hann var í unglingagolfinu. Ég þekki allar sveiflur sem hann hefir haft. Ég held að ég gæti hjálpað honum og ná aftur eðlilegri sveiflu sinni, en ekki sveiflunni, sem einhver annar vill að hann sé með. Ég er opinn fyrir að aðstoða hann.“

Heimild: Golf Digest