John Daly tíar upp af bjórdós og drekkur síðan bjórinn!

John Daly getur s.s. allir vita tíað upp á bjórdós og slegið dúndurteighögg af dósinni. Og bjórinn eða það sem eftir er eftir að slegið hefir verið drekkur hann líka gjarna.

Þetta vandræðabarn golfsins tók nú s.l. mánudag þátt í „The Monday After the Masters“ söfnuninni á Myrtle Beach í Suður-Karólínu.

Þar heillaði hann áhangendur sína með því að tía upp á bjórdós, dúndra teighögg og síðan drekka það sem eftir var af bjórnum úr dósinni.

Monday After the Masters hófst árið 1994 og er nú eitt af stjörnuprýddustu pro-am golfmótum Bandaríkjanna. Það hefir safnað milljónum bandaríkjadala fyrir skólaprógrömm handa krökkum og eins til unglingastarfs í golfi í S-Karólínu. Þeir sem komu mótinu á laggirnar eru fyrrum hljómsveitarmeðlimir Hootie & the Blowfish: Darius Rucker, Dean Felber, Mark Bryan og Jim „Soni“ Sonefeld.

Daly, sem er 50 ára, er nr. 1710 á heimslistanum.

Hann komst ekki í gegnum niðurskurð í síðasta PGA Tour móti, sem hann tók þátt í, þ.e. Arnold Palmer Invitational presented by Mastercard, sl. 19. mars.

Hann var síðan viðstaddur Hooters bikiní keppni vikuna fyrir Masters. Þar söng hann m.a. smell sinn „Hit it Hard.“

Þannig að það er ýmislegt sem kappinn er að dunda sér við innan og utan vallar!