Jóhanna Lea varð í 2. sæti á Opna breska áhugamannamótinu!

Þrír íslenskir kvenkylfingar, Hulda Clara Gestsdóttir, GKG, og GR-ingarnir Jóhanna Lea Lúðvíksdóttir og Ragnhildur Kristinsdóttir tóku þátt á Opna breska áhugamannamótinu, dagana 7.-12. júní sl.

Fv.: Ragnhildur Kristins, Jóhanna Lea Lúðvíks og Hulda Clara Gestsdóttir

Opna breska er eitt elsta og jafnframt sterkast áhugamannamót heims fyrir kvenkylfinga og fór það nú fram í 118. skipti í Kilmarnock, Barassie, í Skotlandi.

Keppnisfyrirkomulagið er með þeim hætti að leiknar eru 36 holur með höggleiksfyrirkomulagi – 64 efstu kylfingarnir komast áfram í næstu umferð þar sem að holukeppni tekur við. Í holukeppninni eru leiknar 18 holur í hverri umferð en úrslitaleikurinn er 36 holur.

Keppendur eru 144.

Ragnhildur gerði sér lítið fyrir og sigraði í höggleikshlutanum, en hún og Hulda Clara komust ekki áfram í holukeppnishlutanum.

Jóhanna Lea mætti Huldu Clöru  í 1. umferð holukeppnishlutans og hafði þar betur 2/0 í hörkuleik.

Ragnhildur mætti Aine Donagan frá Írlandi í 1. umferð holukeppnishlutans, en Donagan endaði í 64. sæti í höggleikskeppninni. Donagan sigraði Ragnhildi 4/3.

Jóhanna Lea, kom sér  alla leið í úrslitaviðureignina, þar sem hún átti færi á að sigra í mótinu!

Í 2. umferð, þar sem að 32 leikmenn tóku þátt, var Hazel MacGarvie frá Skotlandi andstæðingur Jóhönnu Leu. MacGarvie er í sæti nr. 169 á heimslistanum og hefur hæst náð að fara í sæti nr. 68 á þeim lista. MacGarvie endaði í 21. sæti í höggleiknum, en Jóhanna hafði betur gegn MacGarvie 2/1.

Í 3. umferð, þar sem að 16 leikmenn tóku þátt mætti fyrrum sigurvegari mótsins, Emily Toy frá Englandi, Jóhönnu. Toy er í sæti nr. 126 á heimslistanum og hefur farið hæst í sæti nr. 77 á þessum lista. Toy endaði í 5. sæti í höggleiknum en Jóhannna hafði betur 1/0 í viðureigninni.

Í 4. umferð, þar sem 8 leikmenn tóku þátt var Írinn Kate Lanigan mótherji Jóhönnu. Lanigan hefur farið hæst í sæti nr. 645 á heimslistanum en hún er í sæti nr. 2605 þessa stundina. Lanigan var einu sæti fyrir ofan Jóhönnu í höggleiknum eða 52. sæti en Jóhanna hafði betur í 3/2 í viðureign þeirra.

Í 5. umferð eða undanúrslitum mætti Jóhanna Skotanum Shannon McWilliam sem endaði í sæti nr. 32 í höggleiknum. McWilliam hefur hæst farið í sæti nr. 76 á heimslistanum en hún er í sæti nr. 174þessa stundina.  Jóhnna Lea hafði betur gegn McWilliam og kom sér í úrslitaviðureignina.

Í úrslitaviðureigninni tapaði Jóhanna Lea fyrir heimakonunni Louise Duncan 9&8.

Jóhanna Lea og Louise Duncan, sigurvegari Opna breska áhugamannamótsins 2021

En 2. sætið er langbesti árangur íslensks kylfings í þessari keppni og stórglæsilegur árangur Jóhönnu Leu!