Jocelyne Bourassa látin

Kanadíski kylfingurinn Jocelyne Bourassa er látin.

Hún lést 3. ágúst sl. af fylgikvillum heilabilunar (ens. complications of dementia).

Jocelyne  fæddist  í Shawinigan í Quebec, Kanada 30. maí 1947 og var því 74 ára þegar hún lést.

Hún átti frábæran áhugamannaferil vann á unglingamótum í Quebec, 1963, 1964 og 1965 og einnig sigraði hún á Canadian Women´s Amateur. Hún var kanadískur meistari 1971 og gerðist síðan atvinnumaður í golfi fyrir u.þ.b. 40 árum síðan þ.e. 1972.

Bourassa nam íþróttafræði við Université de Montréal þar sem hún lagði m.a. stund á og var í blak-, körfubolta- og skíðaliði skólans og að auki í  liði skólans í frjálsum.

Bourassa spilaði á LPGA á árunum 1972-1979 og var m.a. valin nýliði ársins á LPGA fyrir u.þ.b. 40 árum síðan, 1972. Sama ár hlaut hún Bobbie Rosenfeld Award sem veitt er besta kveníþróttamanni Kanada. Eins varð hún sama ár tekinn í Order of Canada.  Ári síðar vann hún fyrst kvenna La Canadienne golfmótið, sem er eini sigur hennar á LPGA.

Árið 1995 var Bourassa tekin í frægðarhöll Quebec og 1996 í frægðarhöll Kanada.

Golfsamband Kanada talar um Bourassa sem „La Grande Dame du Golf“ í minningargrein sem lesa má á vefsíðu LPGA með því að SMELLA HÉR

Margir hafa vottað aðstandendum Bourassa samúð sína m.a. kanadísku kvenkylfingarnir Alena Sharp og Brooke Henderson.

Golf 1 vottar aðstandendum Jocelyne Bourassa samúð.