Jaime Ortiz Patiño stofnandi Valderrama golfvallarins lést í morgun 82 ára

Jaime Ortiz-Patiño, sem kom fræga Valderrama golfvellinum á laggirnar og var einn af aðalhvatamönnum að vexti golfíþróttarinnar á Íberíuskaganum dó í dag, 82 ára .

„Jaime Ortiz-Patiño…lést í morgun á sjúkrahúsi í Marbella á Costa del Sol,“ segir í fréttatilkynningu frá spænska golfsambandinu (RFEG), s.s. sjá má nánar á vefsíðu þess. Sjá með því að SMELLA HÉR:

Foreldrar Patiño, sem fæddist í París 20. júní 1930 voru frá Bólívíu.  Ortiz-Patino var aðalmaðurinn á bakvið besta golfvöll Evrópu,  Valderrama golfvöllinn, sem hannaður var af Robert Trent Jones, um miðbik 9. áratugarins og lokkaði einnig framkvæmdaaðila Ryder bikarsins til þess að halda mótið á vellinum 1997, en það var í fyrsta sinn sem mótið fór fram utan Bretlands.

Á vellinum fór líka Volvo Masters fram á árunum 1988-1996 og frá 2002-2008 og eins hafa Amex World Championships og the Andalucia Masters mótin verið haldin á vellinum.

Ortiz-Patiño eða „Jimmy“ eins og vinir hans kölluðu hann, átti afa sem var vellauðugur bólivískur tin-námu eigandi.  Hann viðaði að sér stóru safni golfminjagripa, sem fangaði golfsöguna s.l. 500 ár.

Meðal þess sem fyrirfannst í safni Ortiz-Patiño voru kylfur, golfboltar, málverk, bækur, handrit, leirker, ljósmyndir og eftirprentanir en allt var selt á uppboði hjá  Christie’s í London á síðasta ári.

„Meðlimir spænska golfsambandsins votta fjölskyldu og vinum dýpstu samúð,“ segir m.a. í fréttatilkynningu RFEG.  „Hvíldu í friði.“

Heimild: NY Times