Jack Nicklaus hlaut Muhammed Ali Legacy Award

Ein af þeim myndum sem Jack Nicklaus er með upp á vegg heima hjá sér í  North Palm Beach húsinu sínu er tekin 1996 af honum og  Muhammad Ali að ræðast við á PGA Championship í Valhalla Golf Club, en það er völlur sem Nicklaus hannaði í heimabæ Ali, Louisville, Kenntucky.

Nicklaus og Ali hittust aftur í gær þegar Sports Illustrated tilkynnti að Nicklaus væri verðlaunahafi hinna virtu Muhammad Ali Legacy award.

Nicklaus er aðeins 3. aðilinn sem hlotnast þessi heiður en hinir tveir sem hlotið af hann á undan Nicklaus eru stofnandi Special Olympics, Eunice Shriver og  NBA goðsögnin Earvin (Magic) Johnson.

Nicklaus, 75 ára, og eiginkona hans, Barbara, hafa á undanförnum árum unnið ómetanlegt starf á sviði mannúðarmála sérstaklega hvað viðkemur heilsu barna en þess vegna stofnuðu þau stofnunina Nicklaus Children’s Health Care Foundation, sem veitir börnum læknisþjónustu víðsvegar um Bandaríkin.

„Ástríða Jacks á að sýna glæsileika á golfvellinum er aðeins trompað af ást hans og ástríðu fyrir börnum og velferð þeirra,“ sagði Ali, 73 ára í fréttatilkynningu. „Áratugum saman hefir hann notað það hversu þekktur hann er til þess að vekja athygli á þörfinni á að styrkja velferðarmál banra. Ég get ekki hugsað mér mann sem á betur skilið þennan heiður en Gullna Björninn.“