Ragnheiður Jónsdóttir | ágúst. 18. 2012 | 14:30

Íslensku keppendurnir luku leik í Finnlandi í dag – voru allir meðal topp-25!!!

Rúnar Arnórsson, GK, átti besta lokahring allra íslensku keppendanna á Finnish Amateur Open á Helsingin golfvellinum í Helsinki, Finnlandi. Rúnar kom í hús á 1 undir pari, 70 höggum, fékk 4 fugla, 11 pör og 3 skolla. Samtals spilaði Rúnar á 214 höggum (72 72 70) og var mikill stöðugleiki í spili hans. Rúnar stóð sig best íslensku strákanna varð í 16. sæti af 39 keppendum, sem hann deildi með 4 finnskum keppendum.

Arnór Ingi Finnbjörnsson, GR, var á 74 höggum og lauk keppni í 21.sæti ásamt Atte Rauhala frá Finnlandi, en samtals voru þeir á 2 yfir pari, hvor. Arnór Ingi spilaði samtals á 215 höggum (72 69 74).

Bjarki Pétursson, GB, lauk keppni  í 25. sæti ásamt 2 öðrum kylfingum – spilaði á samtals 5 yfir pari, 218 höggum  (74 72 72).

Valdís Þóra Jónsdóttir, GL, lauk leik á 73 höggum í dag og lauk keppni í 7. sætinu ásamt hinni spæsku Silvíu Bañón. Samtals lék Valdís Þóra á 218 höggum (75 70 73).

Glæsilegur árangur hjá íslensku keppendunum!!!

Til þess að sjá úrslitin á Finnish Amateur Championship SMELLIÐ HÉR: