Íslenska kvennalandsliðið í 30. sæti eftir 3. dag í Japan

Íslenska kvennalandsliðið tekur nú þátt í Espirito Santo Trophy í Japan, en mótið stendur dagana 2.-7. september 2014.

Í liðinu eru Guðrún Brá Björgvinsdóttir, GK; Ólafía Þórunn Kristinsdóttir, GR og Sunna Víðisdóttir, GR.

Liðsstjóri er: Haukur Örn Birgisson, forseti GSÍ og þjálfari: Úlfar Jónsson.

Íslenska kvennalandsliðið er  í 30. sæti af 50 liðum eftir 3. dag , en 2 bestu skor liðsmanna af 3 telja hvern mótsdaga.  Ísland deilir 30. sætinu í liðakeppninni með liðum Hong Kong og Slóveníu eftir 3. keppnisdaga.

Ólafía Þórunn var á besta skori íslenska liðsins á 3. hringnum, 1 undir pari, 71 höggi á 3. og Guðrún Brá var líka á fínu skori 1 yfir pari, 73 höggum.  Sunna er ekki alveg að finna sig í mótinu en hún lék á 6 yfir pari, 78 höggum á 3. hring

Í einstaklingskeppninni eru þær Guðrún Brá og Ólafía Þórunn jafnar; eru báðar á samtals 4 yfir pari, 220 höggum; Guðrún Brá (75 72 73) og Ólafía Þórunn (74 75 71) og deila 58. sætinu með 9 öðrum kylfingum.   Sunna er á samtals 18 yfir pari eftir 3, keppnisdag, 156 höggum  (75 81 78 ) og lauk keppni T-119.

Sjá má stöðuna eftir 3. dag í liðakeppninni með því að SMELLA HÉR:

Sjá má stöðuna eftir 3. dag í einstaklingskeppninni með því að SMELLA HÉR: