Íslandsmótið 2022: Perla Sól og Kristján Þór leiða eftir 3. dag

Perla Sól Sigurbrandsdóttir, GR og Kristján Þór Einarsson, GM leiða í kvenna- og karlaflokki á Íslandsmótinu í höggleik eftir 3. dag.

Perla Sól hefir spilað á samals 1 undir pari. Hún er sú eina í kvennaflokki sem er á heildarskori undir pari eftir 3. hringja spil. Í 2. sæti er atvinnukylfingurinn Ólafía Þórunn Kristinsdóttir, GR, aðeins 1 höggi á eftir, á heildarskori upp á slétt par.

Kristján Þór hefir samtals spilað á 6 undir pari. Hann á tvö högg á þá sem næstir koma: þá Sigurð Bjarka Blumenstein og Kristófer Orra Þórðarson, en báðir hafa spilað á samtals 4 undir pari.

Vont veður – rigning og rok er í Vestmannaeyjum, sem stendur. Veðurspáin sem var upp á slæmt veður á 4. hring lá fyrir og gerði mótsstjórn keppendum sérstaklega grein fyrir því fyrir 3. hring að svo gæti farið að aflýsa yrði 4. hring.

Verði 4. hringur felldur niður og Perla Sól og Kristján Þór krýnd Íslandsmeistarar eftir 3. hringja spil þá mun Perla Sól verða næstyngsti kveníslandsmeistari í höggleik frá upphafi eða 15 ára og 313 daga ung, en hún verður 16 ára 28. september nk. Aðeins Ragnhildur Sigurðardóttir var yngri nýorðin 15 ára þegar hún varð Íslandsmeistari á Jarðrinum 1985.

Sjá má stöðuna á Íslandsmótinu í höggleik með því að SMELLA HÉR: 

Í aðalmyndaglugga: Perla Sól með Eldfellið á Heimaey í baksýn.