Ragnheiður Jónsdóttir | ágúst. 9. 2012 | 21:00

Íslandsmót unglinga í holukeppni: Þóra Kristín Ragnarsdóttir – Íslandsmeistari í stelpuflokki 2012

Það er Þóra Kristín Ragnarsdóttir, GK, sem er nýr Íslandsmeistari í holukeppni í stelpuflokki 2012. Hún vann Sögu Traustadóttur, GR,  í úrslitum 6/5. Saga hlaut því 2. sætið á Íslandsmótinu í holukeppni í stelpuflokki.

Þóra Kristín Íslandsmeistari var þar áður búin að sigra Thelmu Sveinsdóttur 6/5 í fjögurra manna úrslitunum og Saga vann einnig klúbbfélaga sinn Evu Karenu Björnsdóttur, GR 3/2.

Það voru því Thelma og Eva Karen sem mættust í leik um 3. sætið.  Þar hafði Eva Karen betur í viðureigninni gegn Thelmu  5/4 og hlaut því þriðja sætið.