Íslandsmót unglinga í holukeppni: Þóra Kristín mætir Thelmu og Saga Trausta mætir Evu Karenu í 4 manna úrslitum í stelpuflokki

Í dag fóru fram 16 manna úrslit á Íslandsmóti unglinga í holukeppni. Í stelpuflokki voru bara 12 stelpur sem kepptu og því komust 4 efstu úr höggleiknum, sem fram fór í gær, sjálfkrafa áfram í 8 manna úrslitin, en það voru þær Þóra Kristín Ragnarsdóttir, GK, Saga Traustadóttir, GR, Eva Karen Björnsdóttir, GR og Gerður Hrönn Ragnarsdóttir, GR.

Úrslit í 16 manna úrslitum í stelpuflokki voru eftirfarandi (NB. aðeins voru spilaðir 4 leikir vegna ofangreinds):

1. Laufey Jóna Jónsdóttir, GS vann Magneu Helgu Guðmundsdóttur, GHD 4&3

2. Thelma Sveinsdóttir, GK vann Heklu Sóley Arnarsdóttur, GK, 5&3

3. Sandra Ósk Sigurðardóttir, GO vann Hörpu L. Bjarkadóttur, GK, 4&3

4. Ólöf María Jónsdóttir, GHD vann Hafdísi Houmöller Einarsdóttur, GK, 7&5

Sigurvegarar í 16 manna úrslitum mættu síðan þeim 4 sem urðu efstar í höggleiknum í gær í 8 manna úrslitum:

1. Þóra Kristín Ragnarsdóttir, GK vann Laufey Jónu Jónsdóttur, GS, 7&5

2. Thelma Sveinsdóttir, GK vann Gerði H. Ragnarsdóttur, GR, 2&1

3. Saga Traustadóttir, GR vann Söndru Ósk Sigurðardóttur, GO, 6%5

4. Eva Karen Björnsdóttir vann Ólöfu Maríu Jónsdóttur, GHD, 5&4

Ljóst er skv. ofangreindu að Íslandsmeistari stelpna í holukeppni 2012 kemur annaðhvort úr GK eða GR. Thelma Sveinsdóttir, GK, var eina stelpan í þessu Íslandsmóti sem spilaði bæði í 16 manna og 8 manna úrslitum og vann báða leiki sína! Glæsilegt hjá þessari ungu stelpu úr GK!

Þær sem mætast á morgun eru Þóra Kristín Ragnarsdóttir, GK og Thelma Sveinsdóttir, GK og Saga Traustadóttir, GR og Eva Karen Björnsdóttir, GR.