Íslandsmót golfklúbba eldri kylfinga

Nýtt nafn er komið á það sem áður var sveitakeppni eldri kylfinga og nefnist nú Íslandsmót golfklúbba eldri kylfinga. Keppt er í deildum eftir árangri golfklúbbanna. Með breytingu á aldursskiptingu úr 55 árum í 50 ár hjá körlum stækkar sá hópur sem er gjaldgengur í lið golfklúbbanna.

Keppni um sæti í sveitum eldri kylfinga mun eflaust markast af þessari breidd og keppni um sæti að harðna sem er hið besta mál.

Stjórn LEK hvetur alla kylfinga 50 ára og eldri að kynna sér hvernig staðið er að vali í sveitir eldri kylfinga hjá sínum klúbbi og taka þátt í undirbúningi fyrir það val. Íslandsmót golfklúbbanna fer fram 12. ágúst og er auglýst á vefnum golf.is undir mótaskrá.