Íslandsmót golfklúbba 2023: GR Íslandsmeistarar í fl. 21 árs og yngri pilta

Það er piltasveit Golfklúbbs Reykjavíkur (GR) 21 árs og yngri, sem varð Íslandsmeistari á Íslandsmóti golfklúbba 2023.

Mótsstaður var Svarfhólsvöllur á Selfossi og fór mótið fram dagana 20.-22. júní 2023.

Veðrið lék ekki við keppendur, rigning og rok.

Piltasveit GR hafði betur gegn piltasveit Golfklúbbs Akureyrar (GA) 2&1.

Golfklúbburinn Keilir (GK) landaði 3. sætinu í viðureign um bronsið við Golfklúbb Suðurnesja 2&1.

Spilaður var höggleikur á 1. keppnisdegi og þar eftir raðað í riðla eftir úrslitum EFstu liðin úr A og B riðli léku um Íslandsmeistaratitilinn, liðin í 2. sæti í A og B riðli um bronsið; liðin í 3. sæti í A og B léku um 5 sætið. C og D riðlar léku svo um 8. – 13. sæti.

Í holukeppninni var leikinn einn fjórmenningur og tveir tvímenningsleikir. Í fjórmenningsleikjunum léku tveir leikmenn saman í liði og leika þeir einum bolta og slá þeir upphafshöggin til skiptis. Í tvímenningnum er einn leikmaður úr hvoru liði sem keppa gegn hvorum öðrum í holukeppni.

Í aðalmyndaglugga: Íslandsmeistarapiltasveit GR á Íslandsmóti golfklúbba 2023.

Mynd og texti (að hluta): GSÍ.