Íslandsmót gk: NK konur spila í 1. deild á næsta ári

Íslandsmót golfklúbba í 2. deild kvenna fór fram á Bárarvelli í Grundarfirði dagana 23.-25. júlí sl.

Alls tóku 6 golfklúbba þátt og var leikið í einum riðli þar sem að öll liðin mættust.

Nesklúbburinn og Golfklúbbur Fjallabyggðar léku hreinan úrslitaleik í lokaumferðinni um hvort liðið færi upp í efstu deild.

Fyrir leikinn höfðu báðir klúbbar unnið alla sína leiki.Nesklúbburinn hafði betur og tryggði sér sæti í efstu deild 2022.

Íslandsmeistarasveit NK í 2. deild var svo skipuð:

Elsa Nielsen,

Helga Kristín Gunnlaugsdóttir

Hulda Bjarnadóttir,

Karlotta Einarsdóttir

Kristín Gunnlaugsdóttir,

Ragna Kristín Guðbrandsdóttir

Lokastaðan í 2. deild kvenna á Íslandsmóti golfklúbba var eftirfarandi:

1 Nesklúbburinn (NK)

2 Golfklúbbur Fjallabyggðar (GFB)

3 Golfklúbbur Selfoss (GOS)

4 Golfklúbbur Grindavíkur (GG)

5 Golfklúbbur Vatnsleysustrandar (GVS)

6 Golfklúbbur Álftaness (GÁ)