Inbee býr sig undir Grand Slam á Opna breska

Þegar  Se Ri Pak sigraði 1998 á U.S. Women’s Open, hljóp pabbi Inbee Park fagnandi um húsið. Inbee, sem aðeins var  10 ára á þeim tíma byrjaði í golfi þá vikuna.

Nú í vikunni á Inbee færi á að verða fyrsti kylfingurinn hvort heldur er karlkyns eða kvenkyns til þess að sigra 4 risamót í röð á sama árinu en aðeins 2 kylfingum hefir tekist að sigra 4 risamót í röð, bara ekki á sama árinu.

Þetta eru þau Mickey Wright (1961-62) og Tiger Woods (2000-2001).

„Ég hlakka virkilega til þess að fara þangað (á St. Andrews, þar sem Opna breska kvennamótið stendur yfir dagana 1.-4. ágúst í þessari viku).“

„Það eru ekki margir kylfingar sem fá þetta tækifæri að sigra á 3 risamótum og enn færri einstaklingar, sem fá færi á að sigra 4. risamótið á sama árinu á British Open, á svona líka sögulegum golfvelli.“