„Hvíti hákarlinn“ með Covid

Nú er staðfest að ástralski kylfingurinn, Greg Norman, „hvíti hákarlinn“ er með Covid.

Hann lagðist á sjúkrahús með einkenni á Jóladag, en nú er ljóst að hann er með Covid.

„Ég fékk jákvæða niðurstöðu í PCR CoVid prófinu mínu“ skrifaði Norman á Instagram.

„Ég er að fá skot af Bamlanivimab mótefni. Það er leiðin að fullum bata. Ég er vel á mig kominn og sterkur og hef háan sársaukaþröskuld en þessi vírus lék mig grátt og er nokkum, sem ég hef aldrei upplifað áður. Vöðva- og liðverkir voru teknir á annað stig. Höfuðverkurinn var eins og  meitill hefði verið rekinn í gegnum höfuðið á mér, sem skrapaði út litla parta í sífellu, ég var með hita og vöðvarnir vildu bara ekki virka.“

„Þá fór bragðskyn mitt bjór er vondur og allt vín smakkast eins. Svo á ég erfitt með að muna nöfn og hluti og er pirraður.“

Norman bætti við að hann óskaði ekki neinum að upplifa þennan „viðbjóðslega vírus“.