Hvernig Howard Stern hjálpaði Keegan Bradley – Myndskeið

Sjónvarps- og útvarpsstjórnandinn Howard Stern, sem alla tíð hefir verið hvorutveggja í senn, vinsæll og umdeildur, varð 60 ára í gær.

Howard Stern á golfvellinum

Howard Stern spilar golf, en það má m.a. sjá hér þar sem hann slær 300 yarda dræv…. að eiginn sögn – en því miður var höggið tekið upp á vídeó og því komst hann ekki alveg upp með þessa hagræðingu sannleikans  SMELLIÐ HÉR: 

Einn er sá sem alla tíð hefir verið jákvæður í garð Howard Stern (margir þola hann ekki) en það er Keegan Bradley.

Keegan í viðtali hjá Feherty

Í viðtali hjá Feherty á Golf Channel sagði Keegan þannig frá því hversu erfitt hefði verið að þvælast um í Ford Focus druslunni sinni milli móta í upphafi ferilsins – en bíllinn var þvílíkur skrjóður að líma þurfti baksýnisspeglanna með lími en þeir voru í stórhættu að detta af ef Bradley keyrði of hratt milli t.a.m. Georgia og Texas, þegar hann var að þvælast auralítill á mót.

Í viðtali Feherty við Bradley kom m.a. líka fram að fæstir gerðu sér grein fyrir því að til þess að spila í mótum á Hooters túrnum, sem er ein af minni golfmótaröðunum vestra, þurfa þátttakendur að greiða $ 1.200,- (u.þ.b. 140.000 íslenskar krónur) í hverri viku og til þess að taka þátt í úrtökumóti fyrir PGA Tour (nú er aðeins hægt að taka þátt í úrtökumóti fyrir Web.com Tour) þá er þátttökugjaldið $ 4.500,- (tja reiknið það sjálf það er u.þ.b. hálf milljón (500.000,-) íslenskra króna).

Þegar maður er auralítill og þarf þess utan að greiða himinhátt þátttökugjaldið í von um að vinna til verðlauna þá er pressan á viðkomandi kylfing gífurlega mikil ….. hann verður að standa sig annars tapar hann pening.  En fátækir kylfingar eins og Bradley þurftu þar að auki að koma sér milli staða í ekki sem bestum farkostum og það gat tekið á taugarnar ….. sem aftur gat hugsanlega komið niður á spilamennskunni …. sem skapar oft vítahring spennu og stress, sem dregur úr líkunum á góðum árangri.

En Keegan Bradley var með ráð.  Hann var með útvarp í bílnum og stillti alltaf á útvarpsþátt Howard Stern og það sagði hann að hefði á tímabili í ferli sínum bjargað geðheilsu hans, þar sem hann horfði og hlustaði alltaf á Howard Stern heima og þegar hann var á einhverjum flækingi róaði það hann að heyra í einhverju jafn „heimilislegu“ og Howard Stern.  (Þetta fannst Feherty fyndið og flest öllum sem þekkja til þátta Howard Stern en hann er allt annað en „heimilislegur.“ )

Til þess að sjá Keegan Bradley í viðtali hjá Feherty talandi um Howard Stern SMELLIÐ HÉR: