Hver er kylfingurinn: Tommy Fleetwood?

Enski kylfingurinn Tommy Fleetwood sigraði s.l. helgi á Abu Dhabi HSBC mótinu.

Hann er ekki meðal þekktustu kylfinga, þannig að ekki er skrítið þegar spurt er: Hver er kylfingurinn Tommy Fleetwood?

Thomas (Tommy) Paul Fleetwood fæddist í Southport, Merseyside á Englandi 19. janúar 1991 og er því nýorðinn 26 ára.

Hann átti frábæran áhugamannaferil þar sem hann sigraði m.a. 2009 á Scottish Amateur Stroke Play Championship og árið 2010 sigraði hann í English Amateur og varð í 2. sæti á 2008 Amateur Championship, the 2010 New South Wales Amateur og the 2010 Spanish Amateur sem og 2010 European Amateur.

Tommy var í liði Breta&Íra í Walker Cup 2009. Hann náði einnig hæst að verða í 3. sæti á R&A heimslista áhugamanna also og nr. 1 á Scratch Players World Amateur Rankings.

Í júlí 2010 varð Tommy í 2. sæti á eftir Daniel Gaunt í the English Challenge í 2. deildinni í Evrópu, Challenge Tour. Hann sigraði á the English Amateur í byrjun ágúst og gerðist atvinnumaður í golfi stuttu síðar og lék í fyrsta móti sínu sem atvinnumaður á  Czech Open á Evróputúrnum, þar sem hann náði niðurskurði og hafnaði í 67. sæti. Í september 2011 sigraði hann í fyrsta sinn á Áskorendamótaröðinni þegar hann sigraði á the Kazakhstan Open og tryggði sér þar með kortið sitt á Evróputúrnum 2012.

Tommy Fleetwood gekk bara í meðallagi vel á fyrsta keppnistímabili sínu á Evróputúrnum en síðan gekk betur um haustið og hann  hélt kortinu sínu með því að vera meðal efstu 10 í the South African Open, sem var síðasta mót hans það keppnistímabil.

Tommy Fleetwood sigurvegari Johnnie Walker Championship 2013

Í ágúst 2013, vann Tommy Fleetwood síðan fyrsta titil sinn á Evróputúrnum á Johnnie Walker Championship í Gleneagles. Hann sigraði í 3 manna bráðabana, með fugli á 1. holu og hafði þar betur gegn Stephen Gallacher og Ricardo González.

Þann 22. maí 2015 var Tommy Fleetwood með ótrúlega flottan albatross á par-5 4. holu  the Wentworth Club á 2. hring BMW PGA Championship, sem sjá má með því að SMELLA HÉR: 

Það var síðan s.l. sunnudag, 22. janúar 2017 sem Tommy nældi sér í 2. titil sinn á Evróputúrnum, eins og áður er komið fram, þ.e. á Abu Dhabi HSBC Golf Championship, þar sem hann átti 1 högg á þá félaga Dustin Johnson og Pablo Larrazábal eftir glæsilokahring upp á 67 högg.