Hver er kylfingurinn: Thidapa Suwannapura?

Thaílenski kylfingurinn Thidapa Suwannapura sigraði nú um helgina í Women´s Hero Indian Open mótinu, sem fram fór á Delhi golfvellinum á Indlandi og var mót vikunnar á Evrópumótaröð kvenna.

Þetta er 1. sigur Suwannapuru í mótinu og eins á Evrópumótaröðinni.  Hins vegar var þetta 4. sigur thaílensks kylfings í þessu móti á Indlandi, því Pornanong Phatlum vann mótið 2008, 2009 og 2012.

„Ég er mjög ánægð, ég hélt aldrei að ég myndi vinna þetta mót. Þetta er stærsta mótið sem ég hef unnið og það er hluti draums míns,“ sagði Suwannapura ánægð eftir sigurinn á Hero Women´s Indian Open mótinu, en stærsti sigur hennar fram að því var sigur á Vidalia Tour Championship á Symetra mótaröðinni 2012.

Thidapa, sem er nýorðin 21 árs hefir nefnilega. spilað á Symetra mótaröðinni og hlaut takmarkaðan spilarétt á LPGA keppnistímabilið 2012, eftir að hún náði 29. sætinu í Q-school LPGA, árið 2011. Í ár, 2013,  var Suwannapura með fullan spilarétt á LPGA.

Sjá má eldri kynningu Golf 1 á Suwannapuru með þvi að SMELLA HÉR: