Hver er kylfingurinn: Ryan Moore? (2/3)

Bandaríski kylfingurinn Ryan Moore sigraði nú um helgina á CIMB Classic mótinu í Malasíu.

Hér fer önnur grein af 3 til kynningar á Moore í greinaflokknum Hver er kylfingurinn?

Ryan Moore

Atvinnumennskan

Árið 2005

Ryan Moore gerðist atvinnumaður í golfi árið 2005. Meðal viðurkenninga Moore það árið voru Haskins Award, sem veitt eru þeim kylfingi sem skarar fram úr.  Hann varð m.a. í 13. sæti í Masters og hlaut verðlaun fyrir að vera sá áhugamaður sem var með lægsta skorið og tryggði sér keppnisrétt í mótinu 2006.  (Hann hafði reyndar áður spilað í The Masters 2003 og varð þá í 45. sæti aðeins 20 ára þ.e. komst í gegnum niðurskurð – sem er stórglæsilegt.

Lokamót Moore sem áhugamanns var árið 2005 í Opna bandaríska, sem þá fór fram á Pinehurst #2. Þar komst Moore í gegnum niðurskurð og varð T-57.  Eftir það mót gerðist hann sem segir atvinnumaður í golfi og spilaði í boði styrktaraðila á fyrsta móti sínu sem atvinnumaður þ.e. Westchester Classic og varð T-51.  Það að Moore gerðist atvinnumaður þýddi að hann gat ekki varið titil sinn frá árinu áður í  U.S. Amateur og hlaut ekki keppnisrétt á Opna breska sem fram fór 2005 í vöggu golfsins St Andrews. Í ágúst 2005 hlaut Moore sérstaka undanþágu til að spila á  PGA Tour eftir að hann varð T-2 á Canadian Open í Vancouver, Kanada.

Árið 2005 spilaði Moore því að undanþágum eða í boði styrktaraðila og vann sér inn $686,250 í bara 14 PGA Tour mótum sem hann gat tekið þátt í.  Þetta gerði það að verkum að hann varð jafn þeim sem varð í 113. sæti á peningalista PGA Tour og varð hann þar með fyrsti kylfingurinn frá Tiger Woods árið 1996 til þess að fara beint úr háskóla á PGA Tour án þess að þurfa að fara í nein úrtökumót.  Aðeins örfáum kylfingum hefir tekist þetta frá árinu 1980 en hinir eru: Gary Hallberg, Phil Mickelson, og Justin Leonard.

Þar sem Moore var ekki á PGA tour varð hann að hljóta meira verðlaunafé en sá sem varð í 125. sæti á peningalistnum 2005 til þess að hljóta kortið sitt á PGA Tour fyrir 2006 keppnistímabilið og honum tókst það sem sagt.

Staða Moore á heimslistanum snarbatnaði árið 2005 en hann fór í 718. sætinu í ársbyrjun og var kominn í 142. sætið í árslok 2005.