Ragnheiður Jónsdóttir | maí. 10. 2013 | 09:30

Hver er kylfingurinn: Roberto Castro?

Bandaríski PGA Tour kylfingurinn Roberto Castro leiðir óvænt á The Players mótinu, eftir 1. hring, en mótið hófst í gær.  Castro fæddist í Houston, Texas, 23. júní 1985 og er því 27 ára. Pabbi hans er frá Perú og mamma frá Costa Rica.

Roberto Castro

Roberto Castro

Áhugamannsferill

Castro spilaði í bandaríska háskólagolfinu með liði Georgia Tech. Meðan hann var við nám í Georgia Tech var hann útnefndur first-team All-American árið 2005, second-team All-American árið 2007 og honorable mention All-American árin 2004 og 2006. Hann var valinn í  All-Atlantic Coast Conference (ACC) liðið á hverju hinna 4 ára sem hann var í Georgia Tech og var valinn ACC nýliði ársins 2004. Hann vann einu sinni einstaklingskeppni meðan hann var í háskólagolfinu þ.e. Puerto Rico Classic árið 2007. Hann vann Byron Nelson Award árið 2007, en sú heiðursviðurkenning er veitt þeim efstubekkingi í háskóla, sem þykir skara fram úr í golfi.

Árið 2005 var Castro fyrirliði Bandaríkjanna í Palmer Cup liðinu sem vann lið Evrópu 14-10. Hann var líka í 2oo6 liðinu, sem  tapaði  fyrir  liði  Evrópu  19½–4½.

Roberto Castro

Roberto Castro

Atvinnumannsferill

Fyrstu skref sín sem atvinnumaður steig Castro á the eGolf Professional Tour, en á þeirri mótaröð hafa m.a. Birgir Leifur Hafþórsson, GKG og Ólafur Björn Loftsson, NK spilaði í vetur.  Castro var á eGolf mótaröðinni á árunum 2007 – 2010 og vann á þeim tíma 5 mót. Hann spilaði í 12 mótum á Nationwide Tour árið 2010 og varð m.a. í 2. sæti á Preferred Health Systems Wichita Open. Fyrsta árið sem hann var með fullan keppnisréttá  Nationwide Tour var árið 2011 en þá varð hann 4 sinnum meðal 10 efstu í mótum og var í 23. sæti á peningalistanum, sem varð til þess að hann fékk kortið sitt á PGA mótaröðinni 2012. Hann varð líka í 13. sæti í Q-school það ár og bætti stöðu sína.

Castro jafnaði vallarmetið í gær (8. maí 2013) á TPC Sawgrass vellinum í Flórída á 1. hring The Players mótsins, þegar hann kom í hús á 9 undir pari, 63 höggum (fékk 1 örn, 7 fugla og 10 pör).

Einkalíf

Castro er frændi fyrrum LPGA Tour kylfingsins Jenny Lidback. Castro á líka 2 yngri bræður sem eru í háskólagolfinu: Alex Castro sem spilaði fyrir Georgia State University á árunum 2007-201 og yngsti bróðirinn, Franco, hóf ferilinn í  LSU en flutti sig síðan til the University of North Carolina at Charlotte árið 2012.