ALPG: Hver er kylfingurinn – Kristie Newton?

Forsíðumyndin í kvöld er af ástralska kylfingnum Kristie Newton, eins og hún birtist fyrir 6 árum á umdeildu dagatali þeirra ALPG stúlkna í Ástralíu.  Kristie var bæði ungfrú júní, þ.e. myndin var júní mynd dagatalsins og eins  prýddi hún forsíðu dagatalsins. Kristie spilaði þá golf á ALPG og á Evróputúrnum.

Fleiri myndir úr dagatalinu fræga. F.v.: Kristie Newton, Sarah Kemp og Tamara Beckett.

Kristie Newton er dóttir Jack Newton (f. 30. janúar 1950), sem spilaði áður á ástralska PGA, Evróputúrnum og PGA túrnum bandaríska á 8. og 9. áratugnum. Frægt er þegar Tom Watson vann Jack Newton í umspili 1975 á Opna breska. Ferill Jack fékk sviplegan endi þegar hann lenti í hrottalegu slysi, þ.e. lenti í flugvélahreyfli og missti hægri handlegg, hægra auga og hlaut skelfileg sár innvortis á maga.

Kristie Newton

Jack Newton kennir samt enn golf í Ástralíu þar sem hann er með Jack Newton Junior Golf Foundation.

Kristie Newton

Ferill dóttur hans Kristie lauk líka fyrr en búist var við, þ.e. árið 2008, en Kristie sem þá spilaði á Evrópumótaröðinni varð að draga sig í hlé vegna torkennilegs sjúkdóms sem lagðist á lófa hennar og gerði henni erfitt um vik að spila. Hún sinnti í kjölfarið módelstörfum og giftist í lok árs, 29. desember 2008, rugby leikmanninum Ben Dixon.

Kristie og Ben Dixon.

Þess mætti geta að hluti af ágóða af sölu dagatalsins umdeilda rann til stuðning baráttunnar gegn brjóstakrabbameini og enn einn hlutinn til styrkveitinga á ALPG.