Hver er kylfingurinn: Jack Nicklaus? (4. grein af 12)

PGA Tour ferill Jack Nicklaus

Fyrstu árin sem atvinnukylfingur 1962–63

Nicklaus hóf atvinnumannsferil sinn á PGA Tour árið 1962. Meðan Nicklaus gerðist atvinnukylfingur opinberlega seint á árinu 1961, þá ræddi hann ákaft hugmyndina um að halda áfram að vera áhugamaður, til þess að líkjast sem mest átrúnaðargoði sínu, Bobby Jones.  En hvað sem öðru leið þá gerði Jack Nicklaus sér grein fyrir að til þess að verða talinn sá besti þá yrði hann að keppa á móti þeim bestu og keppa meira en hann gerði. Stuttu eftir að gerast atvinnumaður var tekið viðtal við umboðsmann Jack, Mark McCormack af Melbourne Age pennanum, Don Lawrence, sem var að forvitnast um hvað væri að gerast í Bandaríkjunum í golfinu.

Þegar McCormack lýsti Nicklaus, þá vísaði Lawrence til „stóra og sterka, ljóshærða kylfingsins sem „Gullna Björnsins” sem var viðurnefni sem átti eftir að festast við Jack allan feril hans.

Annar mögulegur uppruni viðurnefni hans er að lukkudýr golfliðs hans í menntaskólanum í Upper Arlington, Ohio, var kallað „Gullni Björninn.”

S.s. fram hefir komið í fyrri greinum þá spilaði Jack í mörgum „Gullna Björns” liðum, þ.á.m. var hann fyrirliði golfliðsins í innanríkiskeppninni í Ohio, sem er merki um að McCormack hafi sótt fyrirmyndina að viðurnefninu í nafn lukkudýrsins. Hver svo sem uppruni viðurnefnisins er þá hélst það allt upp frá árinu 1963.

Heimild: Wikipedia