Hver er kylfingurinn: Haru Nomura?

Harukyo (Haru) Nomura (á japönsku: 野村敏京; á kóreönsku: 문민경) er fædd 25. nóvember 1992 og því 23 ára.

Haru Normura

Haru á kóreanska móður og japanskan föður og fluttist til S-Kóreu 5 ára og bjó í Seúl þar til hún útskrifaðist frá Myongji High School. Árið 2011 kaus hún sér japanskan ríkisborgararétt.

Haru byrjaði að spila golf 11 ´ra og 2007 sigraði hún Japan Junior Golf Championship fyrir stelpur 12–14 ára.

Haru var besti áhugamaðurinn á Japan Women’s Open árið 2009, þá aðeins 16 ára. Hún gerðist atvinnumaður 2010 eftir að hafa komist á LPGA Tour í fyrstu tilraun sinni.  Sjá má eldri kynningu Golf 1 á Haru með því að SMELLA HÉR: 

Hún lauk keppni í 39. sæti á úrtökumóti LPGA og hlaut takmarkaðan spilarétt. Hún komst á US Women´s Open 2011 eftir að hafa tekið þátt í öðru úrtökumóti.

Fyrsti sigur Haru sem atvinnumanns í golfi kom á LPGA Futures Tour í apríl 2011 á Daytona Beach Invitational. Hann fylgdi þessum sigri eftir með sigri á Japan Tour í maí 2011 og þriðji sigur hennar á LPGA of Korea Tour kom 2015.

Árið 2013 varð Haru í 2. sæti á Mizuno Classic á LPGA Tour.

Þann 21. febrúar 2016 sigraði Haru í fyrsta sinn á LPGA þegar hún sigraði á ISPS Handa Women’s Australian Open, ten það var fyrsti japanski sigurinn á LPGA Tour frá því að  Mika Miyazato sigraði á Safeway Classic árið 2012. Með sigrinum færðist Hauru úr 67. sætinu á Rolex-heimslista kvenna (ens. Women’s World Golf Rankings) í 50. sætið og í 2. sætið á peningalista  LPGA Tour.

Í gær vann hún síðan 2. sigur sinn á LPGA Tour þ.e. á Swinging Skirts LPGA Classic í San Francisco.